La vuelta foi’l 26 de xunu nun Mestalla llenu y, a pesar de los apuros, ganóse 2-0 con goles de Mañó y Héctor Núñez, confirmando a la Valencia como campeón de la Copa de Feries 1962-63 na so segunda participación. Pel branu de 1963 faise cargu del equipu’l míticu ex xugador Pasieguito, anque nun tuvo fortuna como téunicu nesta primer etapa yá qu’en xineru de 1964 foi destituyíu por bien males resultancies en lliga que llevaron al equipu a mirar de cerca los puestos de descensu, y el so sustitutu foi l’ex delanteru Mundu, hasta entós téunicu del filial. Les resultancies camudaron descomanadamente y algamóse un discretu sestu puestu.
